មូស្គូ៖ ប្រធានាធិបតីរុស្ស៊ី លោក វ្លាឌីមៀ ពូទីន បានថ្លែងថាក្រុមគ្រួសាររបស់ទាហានរុស្ស៊ីដែលបានស្លាប់នៅក្នុងភារកិច្ចប្រយុទ្ធក្នុងប្រទេសអ៊ុយក្រែននឹងទទួលបានសំណងជាងប្រាំពីរលានរូពី ឬស្នើនឹង ៦៥ ០០០ដុល្លារអាមេរិកពីរដ្ឋាភិបាល។

ក្នុងជំនួបជាមួយក្រុមប្រឹក្សាសន្ដិសុខរបស់ប្រទេសកាលពីថ្ងៃព្រហស្បត្តិ៍ លោក ពូទីន បានថ្លែងថា ក្រៅពីផ្ដល់សំណងជូនក្រុមគ្រួសារយុទ្ធជនដែលបូជាជីវិតហើយ ទាហានដែលរងរបួសក្នុងសង្គ្រាមនឹងមានសិទ្ធិទទួលលុយប្រមាណ ២៨ ០០០ដុល្លារក្នុងម្នាក់ ខណៈទាហានដែលមានពិការភាពអចិន្ត្រៃយ៍នឹងទទួលបានប្រាក់សោធនពេញមួយជីវិតពីរដ្ឋាភិបាល។

លោក ពូទីន បានប្រកាសពីការវាយលុយដែលកំពុងដំណើរការយ៉ាងត្រឹមត្រូវតាម កាលវិភាគ របស់ខ្លួន តែលោកក៏ទទួលស្គាល់ពីបញ្ហាមួយចំនួនដែលកំពុងវាយលុកនេះផងដែរដោយសារក្រុមសត្រូវបានរារាំងការជម្លៀសជនស៊ីវិលចេញពីតំបន់ប្រយុទ្ធ។

លោក ពូទីន បាននិយាយថា៖ «ក្រុមជាតិនិយម និងពួកនិយមណាស៊ី ទាហានស៊ីឈ្នួលបរទេស រួមទាំងអ្នកមកពីមជ្ឈិមបូព៌ា កំពុងប្រើប្រាស់ជនស៊ីវិលជាខែលការពារមនុស្ស។ ដូចដែលខ្ញុំបាននិយាយរួចមកហើយថា មានទិន្នន័យគោលដៅពិតប្រាកដ រូបថតពីរបៀបដែលពួកគេដាក់ឧបករណ៍យោធាធុនធ្ងន់នៅក្នុងតំបន់លំនៅដ្ឋាននៃទីក្រុង»៕